ليش ماترضى حد يفتش جوالك؟؟

[الفراشه]

ترضى أحد يفتش في جوالك ! وليــش ؟

... موضوع أعجبني للنقاش ...

الجوال ( مستودع الأسرار )!!
صار الجوال جزء لايتجزاء من حياتنا اليوميه مانطلع إلا بالجوال ومانقعد ولا نرقد إلا مع الجوال

غير عن أهميته المعروفه إنه جهاز إتصال

صار يحوي أشياء كثيره منها المسجات والوسائط النغمات والشعارات و و و ...!!

الجوال مثل السكرتير
اللي يذكرنا بالمواعيد والساعات متى علينا محاضره وفي أي قسم
والتقويم اللي دايم مانحط فيه التواريخ المهمه :إمتحانات ، مستشفى ، إجازة
الملاحظ إن فئه عمريه معينه من سن الـ 18 إلى 25 أو 30 سنه
يرفضون أي شخص يمد يده ويمسك جواله
ودايماََ مايقولون
( لحد يتعبث في جوالي ) !!

هالجمله البسيطه تحوي معاني كثيره ( ممكن تفسرونها )

ليش مانرضى أحد يفتش أو :يتعبث: في الجوال
هل هو الحرص عليه !!

ولا من زوود المحبه !!

ولا فيه شي خطير مانبي أحد يشوفه !!

هل لهالدرجه جوالك خطير ماتخلي حد يقرا مسجاتك
ويشوف قائمة الأسماء اللي بجوالك ؟؟؟
ولا يسمع النغمات اللي منزلها ولا يشوف كم فيديو إستعراض

الأسئله كثيره والتساؤلات أكثر حول هالموضوعترضى أحد يفتش في جوالك ! وليــش ؟

<< انا عن نفسي جوالي مفتوح للكل يعني ماعندي شي اسمه خصوصيه بس بعض الاحياان يستوجب عليك ماتخلي حد يشوف جوالك اذا كنت ماتثق في الشخص اللي بياخذ جوالك فا يستلزم عليك احذ الحيطه والحذر>>

[خليجيه كويتيه]

اممممممم الصراحه اشكرك على الموضوع المميز

امم انا

قبل مآاخلى تلفوني لأحد
<لا تفهمون غلط
كنت احس اللى يجي تلفوني يقول ليش حاطه الاغنيه
جك بوم مسحهاا

وكنت احط رمز سري

واللحين تلفوني مفتوح للجميع
بس الاشياء الخاص مآيدخلونها

بس والله احس التلفون كاتم اسرار
ويكون قريب منج
وكل يوم معاج وين رحتي ووين جيتي
<لا والله

ودي واحترامي لك ..

[روومـــيــــــووو]

مو اي احد طبعن يمسكـ جوالي ويتعبث به ... خاصة اللي علاقتنا مو مرة ... لان فيه ارقام خاصة ورسايل خاصة ... بس بشكل عام انا ماحب افتش شي لا جوال ولا غيرهـ ... وعشان كذا صعبه اذا جا احد يفتش اغراضي ^_^

[صديقةة الصادقين]

لا عادي جوالي مافيه أي سر أو خصوصية اللي يبي يشوف يشوف لاكن قد تنزعجين من هذا التصرف لماذا يبحث أصلا في الجوال الخاص بي ...وهو لديه جواال ؟؟

هل يريد أن يتأكد من ماتحمليه في جوالك أم ماذا ؟؟

مشكوورة أختي ..

أسأل الله أن يعطيكي سؤلكي ويحقق أمنيتكي حتى ترضي ويرزقكي من حيث لاتحتسبين وجمييع المسلميين ..آمين ..

الله يعطيكي العاافية ..

منوووووورة

[رووح الودر]

بالنسبه لي عادي جداَ جوالي ممكن أي احد يمسك لاني بصراحة مافي شيء اعمل غلط ولا شيء غريب في جوالي

[storm]

آنآآ مآآحب أحد يلمس جوآآلي
إلآ إذآ آنآ عطيته بمزآجي يشوف شي معين
مقطع أو صوره مثلآ
أمآآ اللي يآخذ جوآلي ويجلس يفتش مآحب هالشي!
أحسه تدخل في خصوصيآتي
تسلمين حبوبه

[خليجية]

بسم الله الرحمن الرحيم

الله يعطيج العافية اختي الكريمة ..
موضوع مميز ..وشخصية مميزة أيضاً..
-----------
شوفي حبيبتي الموضوع مو أنه فيه شي خطير أو غلط ما نبي أحد يشوفه ..الموضوع أنه الخصوصية مطلوبة ..وهذا من أول كلمة نقولها جوالـــ (ج) يعني شي خاص فيج انتي وبس ..يعني صراحة أنا احب الخصوصية لأن ساعات تكون في سالفة بينج وبين أختج وتجي صديقتج وتشوف المسجات وتقرا السالفة وفي ((البعض ))يقعد يتطنز عالأسلوب أو على الموضوع نفسه ..
لا وتجيج اللي تاخذ كل النغمات اللي بالموبايل وتحطها ..ولمن تكونون قاعدين بنفس المكان يرن الموبايلين بنفس الرنة ..
صراحة حده مو شي!!!؟


اشكرج على الموضوع الرائع ..
وتقبـــ فائق تحياتي ــلوا

[غ ـنوجهـ]

الفرآشهـ :

أول شي الله يعطيج العافيه على موضوعج الحلو ..

وبالنسبة لرآيي :

انا وحده تليفوني داااايم مقفلته وع طووول بإيدي , وطفآآآرتي احد يمسكهـ وإلا يتعبث فيه بدون إذني هذا إذا لقوهـ مفتوح بعد

صراحة انا نفسي مو عارفه ليش اسوي كل هذا , انا ماعندي شي خاشته واخاف منه بتليفوني بالعكس كلها شغلات عاااديه .. صور , أعاني , مسجات يعني مافيه شي غريب !

بس انا جذي من النوع اللي يحرص حيل على اي شي له تقدرين تقولين اني بحركاتي هذي اسوي لتليفوني قيمة فعليه لأنه صج جزء مني ظلي يفارقني بس هو لأ داايم معااي وحيل متعلقه فيه ~

بس السبب الرئيسي لكل هذا مآاعرفه

[مسـڪّ]

مآأآحب آأيً آأحد يمسك جوآليً آأقربً آلنًـآسً ليهً بس .. لآنيً مً آأثقً بـآأحد
وفٍيه آأشيـًـآأءً كثيرهـً خـًآأصه مً آأحبً يشوفها ويسـألً ليش َكًـآأتبهً كيذا ومسويه كيذا خصوصـًآأ آلرسـٍآأيلً والملاجظًـآأتً والصوور مسويه حفله فيها العائله كولها فيه

,,

يعـآأفيك ربي

[دمعة قهر]

<< انا عن نفسي جوالي مفتوح للكل يعني ماعندي شي اسمه خصوصيه بس بعض الاحياان يستوجب عليك ماتخلي حد يشوف جوالك اذا كنت ماتثق في الشخص اللي بياخذ جوالك فا يستلزم عليك احذ الحيطه والحذر>>